Our Work

Ushbu maqolada O'zbekistonda kichik biznesni moliyalashtirishning iqtisodiy o'sishga ta'sir kanallari 2015–2025-yillardagi rasmiy statistika, Jahon banki va XVF hisobotlari hamda me'yoriy hujjat…

Ushbu maqolada O'zbekistonda kichik biznesni moliyalashtirishning iqtisodiy o'sishga ta'sir kanallari 2015–2025-yillardagi rasmiy statistika, Jahon banki va XVF hisobotlari hamda me'yoriy hujjatlar asosida tahlil qilinadi. Tadqiqot ikkilamchi ma'lumotlarga tayangan tavsifiy-tahliliy dizaynga ega bo'lib, bandlik, qo'shilgan qiymat, kreditlash va davlat qo'llab-quvvatlash vositalariga oid ko'rsatkichlarni solishtiradi. Muhokamada moliyalashtirish, bandlik, ishlab chiqarish quvvati va bozorga kirish kanallari orqali o'sishga xizmat qilishi, ammo kreditning o'zi yuqori unumdorlikni kafolatlamasligi asoslanadi. Imtiyozli kreditlashning yuqori ulushi va uning fiskal xarajatlarini hisobga olib, kredit kafolati, ulgurji kreditlash va kredit axborot infratuzilmasiga tayangan bozorga mos vositalarga bosqichma-bosqich o'tish tavsiya etiladi.

Mazkur ilmiy maqolada go‘dak yoshidagi bolalarning ratsional ovqatlanishi, ko‘krak bilan emizishning fiziologik va immunologik afzalliklari hamda onalarda gipogalaktiya sindromini barvaqt …

Mazkur ilmiy maqolada go‘dak yoshidagi bolalarning ratsional ovqatlanishi, ko‘krak bilan emizishning fiziologik va immunologik afzalliklari hamda onalarda gipogalaktiya sindromini barvaqt aniqlash va profilaktika qilish masalalari ilmiy va amaliy jihatdan tahlil qilingan. Ko‘krak sutining biologik faol komponentlari, oligosaxaridlar, sekretor IgA hamda mikrobioma shakllanishidagi roli ko‘rsatib berilgan. Onalarda gipogalaktiyaga olib keluvchi xavf omillari o‘rganilib, laktatsiyani saqlash va rag‘batlantirishning zamonaviy usullari bayon etilgan.

Mazkur maqolada raqamli ta'limning nazariy asoslari va uni oliy ta'lim pedagoglarining kasbiy faoliyatiga tatbiq etish metodikasi yoritiladi. Tadqiqotning maqsadi ta'lim mazmuni, pedagogik metod va ra…

Mazkur maqolada raqamli ta'limning nazariy asoslari va uni oliy ta'lim pedagoglarining kasbiy faoliyatiga tatbiq etish metodikasi yoritiladi. Tadqiqotning maqsadi ta'lim mazmuni, pedagogik metod va raqamli vosita uyg'unligiga tayangan holda o'quv jarayonini loyihalash modelini ishlab chiqishdan iborat. Nazariy tahlilda TPACK konsepsiyasi, Dig- CompEdu kompetensiyalar doirasi hamda UNESCOning pedagoglar uchun AKT kompetensiyalari tavsiyalaridan foydalanildi. Elektron o'quv resurslari, aralash ta'lim, raqamli baholash, o'quv analitikasi va elektron portfolioning metodik vazifalari tizimlashtirildi. Natija sifatida pedagogning raqamli faoliyatini rivojlantirish bosqichlari, amaliy topshiriqlar va baholash mezonlari taklif etildi. Ish nazariy-metodik xarakterga ega; modelni tajriba-sinovda tekshirish tartibi belgilandi. Maqolaning metodik hissasi raqamli vosita tanlovini o'quv natijasi, talabalar faoliyati va baholash dalillari bilan bog'lashdan iborat.

Maqolada pedagogikaning zamonaviy jamiyatda ijtimoiy tenglik, inklyuziv ta’lim, kompetensiyaviy rivojlanish va uzluksiz ta’limni ta’minlashdagi strategik ahamiyati o‘rganiladi.…

Maqolada pedagogikaning zamonaviy jamiyatda ijtimoiy tenglik, inklyuziv ta’lim, kompetensiyaviy rivojlanish va uzluksiz ta’limni ta’minlashdagi strategik ahamiyati o‘rganiladi. Tadqiqot UNESCO, OECD, World Bank va O‘zbekistonning ta’lim siyosatiga oid hujjatlarini sifatli kontent-tahlil qilish asosida bajarildi. Natijalarda pedagogika faqat dars berish metodlari majmui emas, balki turli ehtiyoj va sharoitdagi o‘quvchilarni ta’lim jarayoniga mazmunli qo‘shish, bilimni real hayotda qo‘llashga yo‘naltirish, tanqidiy fikrlash va o‘zini o‘zi rivojlantirish qobiliyatlarini shakllantirishga xizmat qiluvchi tizim ekani asoslandi. Inklyuzivlik va kompetensiyaviy yondashuvning samarasi o‘qituvchi tayyorgarligi, moslashuvchan pedagogik dizayn, diagnostik baholash va uzluksiz kasbiy rivojlanish bilan bog‘liqligi ko‘rsatildi.

Mazkur tezisda o‘zbek va ingliz publitsistik matnlarida “Vatan” konseptining diskursiv, pragmatik va lingvomadaniy xususiyatlari qiyosiy o‘rganiladi. Tadqiqotning asosiy maqsad…

Mazkur tezisda o‘zbek va ingliz publitsistik matnlarida “Vatan” konseptining diskursiv, pragmatik va lingvomadaniy xususiyatlari qiyosiy o‘rganiladi. Tadqiqotning asosiy maqsadi ommaviy axborot vositalari (OAV) va media matnlari orqali vatanparvarlik g‘oyalarining ifodalanish mexanizmlari, lisoniy vositalarning faollashuvi hamda diskursiv strategiyalarni ochib berishdan iborat. Ishda o‘zbek va ingliz publitsistikasida qo‘llanuvchi leksik-semantik va emotsional-ekspressiv birliklar keng tahlil qilindi. Natijalar o‘zbek publitsistikasida lirik-emotsional va yuqori pafosli uslub ustun kelishini, ingliz media matnlarida esa fuqarolik burchi, institutsional yondashuv va ratsional tahlil yetakchilik qilishini ko‘rsatdi.

Mazkur maqolada oliy ta’lim muassasalarini boshqarish tizimini takomillashtirishda sinergetik yondashuvning metodologik va amaliy imkoniyatlari tahlil qilinadi. Oliy ta’lim muassasasi mura…

Mazkur maqolada oliy ta’lim muassasalarini boshqarish tizimini takomillashtirishda sinergetik yondashuvning metodologik va amaliy imkoniyatlari tahlil qilinadi. Oliy ta’lim muassasasi murakkab, ochiq va dinamik ijtimoiy tizim sifatida qaralib, undagi boshqaruv jarayonlari faqat yuqoridan beriladigan ma’muriy qarorlar yig‘indisi emas, balki turli subyektlar, tarkibiy bo‘linmalar, axborot oqimlari va tashqi muhit o‘rtasidagi uzluksiz o‘zaro ta’sir natijasi ekanligi asoslanadi. Sinergetika nazariyasining o‘z-o‘zini tashkil etish, fluktuatsiya, bifurkatsiya, tartib parametri, ochiq tizim va nomutanosiblik kabi kategoriyalari oliy ta’lim boshqaruvi kontekstida talqin qilinadi. Tadqiqot davomida zamonaviy universitet boshqaruvida markazlashuv va institutsional avtonomiya, nazorat va ishonch, barqarorlik va moslashuvchanlik, individual tashabbus va jamoaviy manfaat o‘rtasidagi munosabatlar tahlil qilindi. Natijada oliy ta’lim muassasasini boshqarishning “ochiqlik – fluktuatsiya – axborot almashinuvi – o‘zaro ta’sir – o‘z-o‘zini tashkil etish – sinergik qaror – yangi institutsional tartib – adaptiv rivojlanish” ketma-ketligiga asoslangan konseptual modeli ishlab chiqildi. Model boshqaruvni buyruqbozlik va qat’iy ierarxiyadan manfaatdor tomonlar ishtiroki, axborotning erkin aylanishi, tashabbusni qo‘llab-quvvatlash va adaptiv qarorlar qabul qilishga yo‘naltirish imkonini beradi.

Introduction: Metastatic breast cancer management is hindered by receptor discordance and biological heterogeneity. While standard biomarkers guide therapy, the specific prognostic impact of p53 alter…

Introduction: Metastatic breast cancer management is hindered by receptor discordance and biological heterogeneity. While standard biomarkers guide therapy, the specific prognostic impact of p53 alterations in advanced disease remains under-characterized, limiting clinical risk stratification. This study evaluates the prognostic significance of p53 alterations within the comprehensive biomarker profile of patients with metastatic breast cancer. Material and methods: This descriptive cross-sectional study, conducted at Shahid Madani Hospital, analyzed 250 patients with metastatic breast cancer recruited via convenience sampling. Calculated using Cochran’s formula, the sample underwent a systematic review of medical records and pathology reports. We extracted comprehensive clinicopathological data and biomarker profiles, specifically p53 status, to assess their prognostic significance and associations with metastatic disease characteristics and therapeutic outcomes. Results: Aberrant p53 expression (86.2% in TNBC, P<0.001) significantly correlates with aggressive metastatic organotropism, notably visceral involvement (41.3% vs. 14.5%, P<0.001). Median overall survival was markedly reduced in patients with aberrant p53 (18.4 vs. 38.6 months, P<0.001). Multivariate analysis confirmed p53 deregulation as a potent, independent prognostic determinant for mortality (aHR=2.30, 95% CI:1.75-3.10, P<0.001), surpassing conventional clinical biomarkers in predicting adverse outcomes in metastatic breast malignancy. Conclusion: This study identifies p53 functional alteration as a critical independent prognostic biomarker for metastatic breast cancer, driving aggressive visceral dissemination and accelerated mortality. These data indicate that p53 status is a more potent survival determinant than standard clinicopathological markers.

Ushbu maqolada 5–6-sinf o'quvchilarining jismoniy sifatlarini rivojlantirishda somatotiplarga (ektomorf, mezomorf, endomorf) asoslangan differensial yondashuvning imkoniyatlari va samaradorligi yoriti…

Ushbu maqolada 5–6-sinf o'quvchilarining jismoniy sifatlarini rivojlantirishda somatotiplarga (ektomorf, mezomorf, endomorf) asoslangan differensial yondashuvning imkoniyatlari va samaradorligi yoritilgan. Tadqiqotda ta'lim amaliyotidagi yagona standart mashg'ulotlarning kamchiliklari ko'rsatilib, har bir somatotipning morfo-funksional xususiyatlariga mos ravishda mashqlar komplekslarini tanlash zarurligi ilmiy asoslangan. Ektomorf o'quvchilarda kuch va koordinatsiyani, mezomorflarda tezlik-kuch va chaqqonlikni, endomorflarda esa chidamlilik va tana vaznini nazorat qilishni rivojlantirishga qaratilgan yuklama rejimlarining ta'siri tahlil qilingan. Dastlabki tajriba natijalari somatotipga moslashtirilgan differensial mashqlar dasturi an'anaviy darslarga nisbatan jismoniy tayyorgarlik va salomatlik ko'rsatkichlarini sezilarli darajada oshirishini ko'rsatdi.

В статье рассматриваются особенности межличностных конфликтов в подростковом возрасте и способы их конструктивного разрешения. Описаны стратегии поведения в конфликте, роль медиации и развивающей рабо…

В статье рассматриваются особенности межличностных конфликтов в подростковом возрасте и способы их конструктивного разрешения. Описаны стратегии поведения в конфликте, роль медиации и развивающей работы, а также значение эмоциональной регуляции и эмпатии.

Maqolada periorbital sohaning yoshga bog‘liq o‘zgarishlari bo‘lgan bemorlarda yuqori va quyi qovoqlarni bir vaqtning o‘zida jarrohlik yo‘li bilan korreksiya qilish, kombi…

Maqolada periorbital sohaning yoshga bog‘liq o‘zgarishlari bo‘lgan bemorlarda yuqori va quyi qovoqlarni bir vaqtning o‘zida jarrohlik yo‘li bilan korreksiya qilish, kombinatsiyalangan bir bosqichli blefaroplastika natijalari va zamonaviy yondashuvlar tahlil qilindi. 2025–2026-yillar davomida Dr Dilyor’s clinic klinikasida 470 nafar bemorda o‘tkazilgan amaliyotlar natijalari o‘rganildi. Tadqiqot metodologiyasi operatsiyadan oldingi fotogrammetriya, quyi qovoq rigidligini baholash (snap-back test), yuqori qovoq klassik teri-mushak rezeksiyasi, quyi qovoqda subsiliar yoki transkon’yunktival kirish orqali yog‘ churralarini saqlab qolgan holda qayta taqsimlash (liporepozitsiya) hamda ko‘rsatma bo‘yicha lateral kantopeksiya usullarini o‘z ichiga oldi. Olingan natijalar shuni ko‘rsatadiki, chuqurlashtirilgan operatsiyadan oldingi diagnostika va to‘qimalarni tejovchi uslubiyat yuqori estetik va funksional ko‘rsatkichlarni ta’minlaydi, ektropion va lagoftalm kabi asoratlar xavfini minimallashtiradi hamda umumiy reabilitatsiya muddatini sezilarli darajada qisqartiradi.